فرائضِ نماز

 بِسْمِ اللّٰهِ الرَّحْمٰنِ الرَّحِيْمِ

فرائضِ نماز

نماز کے چھ فرائض ہیں:

تکبیرِ تحریمہ یعنی اَللّٰهُ اَکْبَرُ کہنا۔

قیام یعنی سیدھا کھڑے ہوکر نماز پڑھنا۔فرض، وتر، واجب اور سنت نماز میں قیام فرض ہے، بلاعذرِ صحیح اگر یہ نمازیں بیٹھ کر پڑھے گا تو ادا نہیں ہوں گی، نفل نماز میں قیام فرض نہیں۔

قرأت یعنی مطلقاًایک آیت پڑھنا۔ فرض کی پہلی دو رکعتوں میں اور سنت وتر ونوافل کی ہررکعت میں فرض ہے جب کہ مقتدی کسی نماز میں قرأت نہیں کرے گا۔

رکوع کرنا۔

سجدہ کرنا۔

قعدهٔ اخیرہ یعنی نماز پوری کرکے آخرمیں بیٹھنا۔

اِن فرضوں میں سے ایک بھی رہ جائے تو نماز نہیں ہوتی اگرچہ سجدهٔ سہو کیا جائے۔